«ОПИ-дің озаттары кімдер?»

Журналымыздың 2013 жылғы №5(6), маусым айындағы санында «Көне сурет» айдарымен Мәскеу қаласына саяхатқа барған Орал педагогикалық институтының бір топ оқу озаттарының суреті жарияланған болатын.

Жақында редакциямызға Айдархан Ахментаев деген азамат ха-барласып, осыдан 80 жыл бұрын түсі-рілген көне суреттен нағашы атасы Сәукей Сағидуллинді танығанын жет-кізді. Тіпті дәл осы суреттің өте сапа-лы сақталған бір данасы да бар екен. Редакциямызға арнайы келіп, атасы-нан қалған көне альбомды ақтарып көрсеткен Айдарханнан Сәукей Сағидоллаұлы туралы кеңірек білдік.
Сәукей Сағидуллин 1903 жылы қазіргі Жалпақтал өңірінде дүниеге келген екен. Ата-анасы ерте кетіп, екі ағасы 1916 жылы майдан жұмысына алынғанда, құйттай қарындастары-ның күнкөрісі он үш жасар Сәукейдің иығына түсіпті. Жетімдіктен ерте же-тілген Сәукей 1916-1925 жылдар ара-лығында Фурманов өңіріндегі атақты орыс байлары Овчинниковтердің қолында жалшылықта болған екен.
1925 жылы ағайындары Қазталов ауданының Мирон ауылсоветіне кө-шіп, «Жаңа таң» артелін құрғанда, Сәукей де сол колхоздың басқарма мүшесі болып, 1930 жылға дейін сон-да болады. 1930 жылы алғыр жас Сламихин педтехникумына жолда-нып, партия қызметіне араласа бас-тайды. 1933 жылы Сәукей педтехни-кумның өзге де студенттерімен бірге Орал педагогикалық институтына ауы-сып, жаратылыстану факультетін тә-мамдайды. Сөйтіп, институт жанында-ғы дайындық курсында сабақ береді.
Сәукей Сағидуллин – Ұлы Отан со-ғысының ардагері. 1942 жылы майдан-ға алынып, 1943 жылы ауыр жара-ланған, «Қызыл Жұлдыз», І дәрежелі «Отан соғысы» ордендерінің иегері.
Кейіпкеріміз жарақатынан айық-қан соң Орал облыстық партия коми-тетінде нұсқаушы, Фурманов аудан-дық партия комитетінде парткабинет меңгерушісі болған. Орал қаласын-дағы №11 мектеп-интернатын көп жыл басқарған. Өмірінің соңғы жа-ғында, 1965 жылы зейнет демалысы-на шыққанша өзі оқыған А. Пушкин атындағы ОПИ-дің педагогика кафе-драсында аға оқытушы болыпты.
– Атамыз ұзақ өмір сүрді, бар өмі-рін ұрпақ тәрбиесіне арнады. Ол кісі-нің ұзақ жыл ізденіп, жинақтап жаз-ған «Ертелікті ескерткіш» кітабының қолжазбасы бар. 1970-1976 жылдары жазылған, 200 бетке жуық бұл еңбек қазақ халқының тарихы, рулық құра-мы, ру-тайпа шежірелері туралы көп-теген деректі қамтыған. Осы кезге дейін еш жерде жарияланбаған бұл еңбекті баспадан шығаруға қол ұшын беретін жан табылар ма екен? Зама-нында елге қылаусыз қызмет еткен осындай тұлғалардың суретін жария-лап, іздеу салғандарыңыз үшін жур-нал редакциясына алғысымыз шек-сіз! - дейді Сәукей Сағидуллиннің жиен немересі Айдархан Ахментаев.

Сәукей Сағидуллиннің «Ертелікті ес-керткіш» қолжазба кітабының көшірмесі «DANAkaz» журналында. Алдағы сандарымызда кітаптың қызықты тұстарын жариялайтын боламыз. 

Қаралым саны 928

 

Құрметті оқырман!
Айтар ой, қосар пікір болса, жазып жіберіңіз. 
Мүмкіндігіне қарай ескеріп, болашақ жоспарымызға енгіземіз.

     Қосар ой      

 

Мекен-жайымыз:

Орал қаласы, Жеңіс 33/1

Телефон:

+7 708 434 2463