Батыс Қазақстан облысы Қазта-лов ауданына қарасты Көктерек ауы-лының музейінде сақтаулы тұрған бұл құнды жәдігердің иесі – ауылдың ар-дақты азаматы, Ұлы Отан соғысының ардагері Рысқали Жамалиев. Ол 1922 жылы туған. 1942 жылы Қызыл Армия қатарына алынған. Сталинград, Австрия жерін жаудан қорғап, соғысты Берлинде аяқтаған Рысқали атамыз 1946 жылы елге аман оралған. Соғыс-тағы ерлігі үшін «Берлинді алғаны үшін», «Ерлігі үшін», «Сталинградты қорғағаны үшін», «Германияны жең-гені үшін», «Праганы азат еткені үшін» медальдарымен, «Үлгілі байланысшы» төсбелгісімен марапатталған. Соғыс-тан кейін Көктерек елді мекенінде есепшілік қызмет атқарған. Жұмыс бабында үнемі салт атпен жүретін ата-мызға «қажетіңе жарат» деп аталған ағаш ерді ағасы Бақыт сыйлаған екен. Соғыс кезіндегі денеге тиген жарақат салдары болар, атамыз 1979 жылы 57 жасында жастай өмірден озды. Ер ке-йіннен баласы Базарбайдың қолынан алынды. Музейге 1991 жылы тапсыр-ды.
Майдангер атамыздың ұрпақтары сыйға берген бұл жәдігер бүгінгі таңда аса сирек кездесетін, құнды да бағалы асыл мұралар қатарын толықтырып, халық игілігі мен ұрпақ тәрбиесі үшін рухани байлықтың көзіне айналуда.

Ақмарал Ибатқызы АДИЕТОВА,
Көктерек тарихи-өлкетану
музейінің экскурсоводы,
Батыс Қазақстан облысы