– «Дана» журналының алғашқы санында Ғұбайдолла Әнесов туралы тың деректер кездеседі. Ғұбайдолла Әнесов уақытында бүгінгі Махамбет Өтемісұлы атындағы БҚМУ ғимаратында білім алған. Ол небәрі 20 жасында қазақ халқын қорғаушылар одағын құрады. Осы әрекеті үшін қолға түсіп, халық жауы ретінде жазаланған. Тергеушілер Ғұбайдолладан: «Мақсатың не?» - деп сұрағанда, «Менің мақсатым – елдегі болып жатқан келеңсіздіктерді айту, қазақ халқын отарлық езгіден құтқару» деген екен. Осының бәрін зерттеп, жарыққа шығару оңай дүние емес. Сондықтан жас ұрпақты отансүйгіштікке тәрбиелейтін төл журналдың қадамына құтты болсын айтамыз.