Қадірлі әлеумет!

«DANAkaz» журналының жаңа санында биылғы жылдың басты оқиғасы – Қазақ хандығының 550 жылдық мерейтойына қатысты бірнеше мақала ұсынып отырмыз. Өткен сандарымызда жарық көрген «Есенгелді бай тарихы толық танылды ма?» атты мақаланың жалғасын келесі нө-мірге қалдырдық. Соңғы кезде еліміздің әр түкпірінен, тіпті шетелден мақала ұсынып, журналымызға жариялағысы келетін авторлар көбейді. Сондықтан кейбір оқырманда-рымыздан келіп түскен хаттардың жарық көруі сәл кідіріп жатыр. Түсіністікпен қарауыңызды сұраймыз.

Оқушылар мен өлкетанушылар арасындағы «Өскен өлке тарихы» байқауы жалғасуда. Байқау қорытындысы редакция қоржынына келіп түскен мақалалар толық жарияланған соң, жыл соңына қарай жария болады.

«DANAkaz» журналының алғашқы санынан басталған эпиграфикалық ескерткіштер – құлпытастарды зерттеу ісі биыл Батыс Қазақстан облысында кең көлемде қолға алынды. Бұл жұмыстарды да назарымызда ұстап, журнал оқырмандарын құлағдар етіп отырамыз.

Біз ежелден ата-тегімізге, шежіремізге ерекше құр-метпен қарайтын халықпыз. «Жеті атасын білген ер жеті жұрттың қамын жер» деген сөз бар. Көптеген оқырман-дарымыздың сұрауына орай журнал редакциясы жанынан құрылған ғалымдар тобы ру, ата-тек, шежіре жинақтарын жинақтап, кітап етіп шығаруға ниет етіп отыр. Бүгінгі таңда беріш руының Бесқасқа тармағы туралы, алаша руының Қарабура, Бабатай тайпалары хақында зерттеу жұмыстары басталып кетті. Бұл жинақтарда ата-тек шежіре материал-дары, мұрағат құжаттары, құлпытас деректері қамтылатын болады. Оқырмандарымыздан аталған ру-тайпаларға қа-тысты қолда бар деректерін журнал редакциясына немесе Этот адрес электронной почты защищён от спам-ботов. У вас должен быть включен JavaScript для просмотра. электронды поштасына жолдауды сұраймыз. Жинақта дерек беруші азаматтар туралы сілтеме берілетін болады.

Алда тұрған жоспар, жоба көп. «DANAkaz» журналымен бірге болайық, ағайын!

Қазбек ҚҰТТЫМҰРАТҰЛЫ,
журналдың бас редакторы

Қаралым саны 1060

 

Құрметті оқырман!
Айтар ой, қосар пікір болса, жазып жіберіңіз. 
Мүмкіндігіне қарай ескеріп, болашақ жоспарымызға енгіземіз.

     Қосар ой      

 

Мекен-жайымыз:

Орал қаласы, Жеңіс 33/1

Телефон:

+7 708 434 2463