Орал қаласындағы Жәңгір хан атындағы тарихи-этнографиялық музейінің меңгерушісі Нұржан Төлепов суретшіге Батыс Қазақстан өңірінен шыққан айтулы тұлғалардың портреттерінен топтама жасауды ұсынады. Осылайша, Жиембет жырау, Марғасқа жырау, Сырым батыр, күйші Дәулеткерей Шығайұлы, Сейтек күйші, заңгер Бақытжан Қаратаев, Алашорда көсемі Жаһанша Досмұхамедұлы, шығыстың батыр қыздары Мәншүк Мәметова мен Хиуаз Доспанова т.б. секілді тұлғалардың көркем бейнесі дүниеге келіпті.

Баспа бетінде тұңғыш рет жарияланып отырған Жиембет жырау бейнесін «DANA.kaz» журналына Жәңгір хан атындағы тарихи-этнографиялық музейінің меңгерушісі Нұржан Төлепов ұсынып отыр.