Осы барды сақтау үшін әр адамға терең білім, адал кәсіп және осының берекесін келтіретін ұлттық рух қажет. Мемлекет білім алуға, кәсіппен айна-лысуға мүмкіндігінше жағдай жасағаны-мен, ең бастысы, ұлттық рухты көтеру бағытындағы әрекеті барлық уақытта бірдей нәтиже бермей тұр. Жоғарыдан жақсы бастамалар көтеріліп, түрлі жобалар қолға алынғанымен, көпшілік атқамінерлердің істің мәнісін түсінбеуі-нен дені аяқсыз қалуда. Елбасының өзі «Нұр Отан» партиясының он алтыншы сиезінде бұл ащы болса да, шындық екенін айтты. Кадр мәселесіндегі олқы-лықтар бүгінгі қоғамның басты дертіне айналды. Бұл жемқорлықтың жолын кесу бағытындағы істен маңызды бол-маса, бір мысқал да кем емес.
Бардың бәрі бізге аса қымбат баға-мен келгенін еш уақытта ұмытпауымыз қажет. Ата-бабамыз біз осындай рахат өмір кешуіміз үшін терін төгіп еңбек етті, қасық қаны қалғанша талай соғысты, тәнін қиып, жанын берді. Міне, олардың жүріп өткен жолы мен айтқан сөзін түсіне білсек, нағыз ұлттық рухы биік, азат ойлы боларымыз сөзсіз.
Әр адамның бойында ұлттық рух асқақ болса, ісінен де нағыз қазақтың иісі шығары анық.

Ақбай БАРЖЫҰЛЫ