– Ерлан аға, өзіңізді толығырақ таныстырып өтсеңіз? Қызметіңіз, Оң-түстік Корей еліне келу мақсатыңыз қандай?
– Мен Мұқанов Ерлан Мақсотұлы, туған жерім – Батыс Қазақстан облы-сының Сырым ауданы. Ақтөбе меди-циналық академиясын бітірген соң Батыс Қазақстан облыстық аурухана-сында дәрігер анестезиолог-реани-матолог болдым. Кейін «Медицина-лық орталығы» ЖШС-ға ауыстым, ол жерде бас дәрігердің емдеу ісі жөнін-дегі орынбасары және анестезиолог қызметін қоса атқарамын.
Корей еліне келуіме мемлекеттік «Болашақ» бағдарлама көмектесті. Бағдарлама шарты бойынша конкур-стан өтіп, міне, үш айлық мерзімге Оң-түстік Кореяға тағлымдамаға жіберіл-дім. Ең басты мақсатым – медицина-дағы соңғы озық әдіс-технологиялар-ды меңгеріп, сол арқылы Қазақстан-дағы анестезиологиялық-реанимато-логия емдеу ісін жақсарту саласына өз үлесімді қосқым келеді.

– Тағлымдама қалай басталды? Сынақ ісі қай оқу орнының емхана-сында жүруде?
– Иә, бәрі ойдағыдай. Аджу уни-верситетінің медициналық орталы-ғында жедел жәрдем, травматология және жансақтау бөлімдерінде тағ-лымдамадан өтіп жатырмын.

– Кореядағы алғашқы әсерле-ріңіз қандай? Бұл елдің емханалық құрал-жабдықтары ұнады ма? Кореяда бүгінде рак ауруларын лазердің көмегімен емдеп жатыр. Сіз лазер құралдарымен операция жасап көрдіңіз бе?
– Иә, айтса айтқандай, Оңтүстік Кореяның медицина жүйесі қазіргі заманғы биік деңгейге көтерілген екен. Аурухана-емхана жүйесі осы кезеңге сай, озық технологиялармен толық қамтамасыз етілген. Өзіңіз айтқандай, кеспей хирургиялық ем жасау – лапороскопия және эндоско-пия тәсілдермен емдеу кең таралған. Айта кету керек, қазір Қазақстанда да осы айтылған технологиялар жүзеге асырылып жатыр ғой. Елімізде бұл тәсілді жетік меңгерген мамандар қа-тары да жылдан-жылға артып келеді. Ал Оңтүстік Кореяда мені ерекше қы-зықтырған – робот (da Vinci) жүйесі-мен ем жасау.

– Оңтүстік Корей елі – медицина жүйесінің дамуы бойынша әлемде екінші орында тұрған мемлекет. Мұндай нәтижеге қалай жетті деп ойлайсыз?
– Менің ойымша, Оңтүстік Корея-да медициналық сақтандыру жүйесі жақсы жолға қойылған. Жүйе бір ор-талықтан басқарылады, халықтың әл-ауқаты, тұрмыс-тіршілігіне байланыс-ты оңтайлы жасалған. Сонымен бірге Оңтүстік Корея азаматтарының сана-сының биіктігі үлкен орын алады.

– Қазақстан мен Кореядағы ден-саулық сақтау саласын салыстыруға бола ма? Артықшылығы, кемшілігі неде деп ойлайсыз?
– Әрине, әр елдің ерекшелігі бар. Оңтүстік Кореяда денсаулық сақтау са-ласы соңғы 20 жылдан бері міндетті медициналық сақтандыру жүйесімен жұмыс істеп келеді екен. Елдегі эко-номикалық жағдайдың күрт өсуі ден-саулық сақтау саласының дамуына және міндетті сақтандыру жүйесінің қалыптасуына оң ықпалын тигізген.

– Ерлан аға, бұйырса, алда қан-дай жоспарыңыз бар?
– Қазіргі жоспарым – осы Корея-дан алған білімім мен тәжірибемді еліме пайдалы іске, Қазақстан аза-маттарының денсаулығын нығайтуға бағыттаймын.

– Сәуір айының басында Оңтүс-тік Кореяда жүрген қазақстандықтар Ұлы Наурыз мейрамын тойлап өтті. Қазақстан Елшілігі, Кореядағы қазақ студенттері ұйымдастырған шараға Сіз де қатыстыңыз. Шыныңызды айтыңызшы, Сеулдегі Наурыз тойы ұнады ма?
– Осындай елден жырақта жүр-генде, өз еліміздің ұлттық мерекесі – Наурыз тойына қатысамын деген ой үш ұйықтасам түсіме кірмеген еді. Осындай тамаша мейрамды өткізуге атсалысқан Қазақстан Республикасы-ның Кореядағы Елшілігіне, барша жас-тарға және Сізге көп-көп алғысымды білдіремін. Өте ұнады!
Мені, әсіресе, қуантқан және таң- ғалдырған нәрсе – Наурыз тойына өзіміздің Қазақстан студенттерінен басқа Корея жастары да белсене ара-ласып, ән айтып, би билеп, қазақтың даналық сөздері мен ұлттық дәстүрін насихаттағаны болды. Менің ойым-ша, бұл – осы Кореяда жүрген қазақ азаматтарының, жастардың үлкен бе-делі арқасында деп білдім.

– Корей халқы Сізге ұнады ма? Қандай әсердесіз?
– Оңтүстік Кореяға келгеніме көп болған жоқ қой. Дегенмен, алғашқы әсерім – жергілікті халық өте бейбіт, еңбекқор, адал екен. Мен осылай деп ойлаймын.

– Оңтүстік Корей елінде тұрып жатқан қандастарыңызға қандай тілек жолдайсыз?
– Осы елде тұрып жатқан отан-дастарыма тілейтінім – елімізден жы-рақта жүрсе де, өзінің ана тілін, салт-дәстүрін ұмытпай, әрқашан өзінің Отаны үшін қолдан келген жақсылық-тарын жасап жүрсе, игі іс болар еді.

– Ерлан аға, жұмысыңызға тек сәттілік тілейміз! Медицина саласын-да талай-талай тың белесті бағынды-ратыңызға сенеміз. Толағай табыстар-ға жете беріңіз! Уақыт тауып, сұхбат-тасқаныңызға рақмет!

Сұхбатты жүргізген «ДAНA kaz»
тарихи-танымдық журналының
Кореядагы тілшісі Галина ӘЛІМОВА,
Сеул, Оңтүстік Корея