Алматы қаласынан, «Арыс» баспасынан жарық көрген 14 баспатабақтық кітапта еліміздегі алғашқы мектептердің қатарында болған білім ордасының арғы-бергі тарихы түгел қамтылған. Бұл мектепте Алма Оразбаева сабақ берген, Қазақ АССР-інің тұңғыш төрағасы Сейітқали Меңдешов білім алған, Шамғон Қажығалиев, Жанғали Набиуллин, Қалимолла Халықов сынды танымал азаматтар шыққан. Осы кітаптың жарық көруіне – мектеп түлегі, меценат Думан Қарағойшин көмектескен екен. Осы жинақты құрастырушы, мектеп директоры Аида Ғұбашева «Мектепке жол», басқа да қайырымдылық шараларына қол ұшын беріп жүретін Думан Кенжебайұлына зор алғыс айтады.