200х34х20

1-)һəзəл марқад

2-) Көшекқали сұлтанның халалысы

3-)Ханымжан Қайыпқали сұлтан қызы бақайе

4-) рихлəт илəді 44 иəшнде 1874 санаде

5-)...

6-)йаздырды халалы Көшекқали сұлтан.

Ең астында арқар таңба.

Түсінігі: бұл жерде жатқан Көшекқали сұлтанның

некелі əйелі Ханымжан Қайыпқали сұлтан қызы

бақилыққа көшеді 44 жасында 1874 (немесе 1870) жылы.

Белгі қойған некелі күйеуі Көшекқали сұлтан.

Бұл Ханымжан деген Көшекқали сұлтанның

əйелінің əкесі Қайыпқали Есімов тарихтан белгілі адам.

Ханымжанның атасы 1794-97 жылдары кіші жүзге хан

болған Есім хан Нұралы хан ұлы. Көшекқали Шығайұлы

қызылқұрт руының сұлтаны болғаны, күйші

Дəулеткерейдің ағасы екені тарихтан белгілі. Тек

екеуінің шешелері бөлек болғанымен, əкелері Шығай. Ал,

Дəулеткерей мен Жəңгір ханның аналары Атан бəйбіше.

Бөкей ханның жылын өткізіп барып, Шығай əмеңгерлік

салтпен жеңгесі Атанға үйленгесін, ол некеден

Дəулеткерей туған. Шежіреші- жидашылардан жеткен

əңгімелерде «Көшек-правитель» деп аталады. Мысалы

жидашы, профессор Айсұлу Бисенғалиеваның «Сөз

тапқанға қолқа жоқ» кітабында «Көшек-правитель» деп

жазылған. Жеті қисымның ішінде Қамыс-Самарда

құлпытасы тұруы, Көшек-правитель атануы, он екі

сұлтандық болған кезде де қызылқұрт руы мекендеген

Айдархан жерін мекендеуінен, 1860 жылы Қамыс-Самар

қисымы құрылғанда Көшекқали Шығайұлы алғашқы

сұлтан-правитель болды деп есептеймін.