Әлди, әлди, әлди қақ,
Ер жеткенде жылқы бақ.
Үлкен таудан түлкі қақ,
Тәңір берсін басыңа бақ.
Әлди, әлди, бөбегім - ау!

Әлди, әлди, тайлағым,
Өрістегі шаңдағым,
От басында ойнағым,
Сүт бетінде қаймағым.
Әлди, әлди, бөбегім-ау!

Әлди, әлди, оймағым,
Оймағыммен ойнадым.
Күнде әлдилеп сүйсем де
Қызығыңа тоймадым.
Әлди, әлди, бөбегім-ау!

Кенжехан Ісләмжанұлы
құрастырған «Тал бесіктен жер бесікке дейін»
(Қазақтың отбасылық ғұрып жырлары)
кітабынан алынды.